Pozik partekatzen dugu Ametxe gonbidatua izan dela Euskadi Lagunkoia ekimenean parte hartzera. Ekimen hau Eusko Jaurlaritzako Ongizate, Gazteria eta Erronka Demografikorako Sailak sustatzen du, eta Matia Institutuak garatzen du. Helburua da adinekoen eta herritarren parte-hartzea bultzatzea, Euskadiko udalerrietako auzoak eta inguruneak hobetzeko, OMSren Age-friendly Environments Programme markoan oinarrituta.
Gaur egun, sareak 87 udalerri atxiki biltzen ditu.
Testuinguru honetan, Euskadi Lagunkoia-k Ametxeri eskainitako bideo bat sortu du, gure erabilera lagapeneko etxebizitza kooperatiboaren ereduari eta belaunaldien arteko esperientziari erreparatuz. Adin guztiei irekita dagoen ekimena da, komunitatea berreskuratzera eta elkarren arteko laguntza sustatzera bideratua, bizitza osoko prozesu pertsonal eta kolektiboetan zehar laguntzen duena. Gordexolan (Bizkaia) egunero elkarrekin eraikitzen ari garen ibilbidea da.
🎥 Bideoa hemen ikus dezakezu:
👉 https://youtu.be/1cr9pPLJ4xU?feature=shared
Landa-eremuko etxebizitza kooperatiboa, ikuspegi erregeneratibo eta komunitarioz
Ametxe erabilera lagapeneko etxebizitza kooperatibo bat da, irabazi asmorik gabea eta landa-eremuan kokatua. Helburua da aukera eskuragarriago, jasangarriago eta eraginkorrago bat eskaintzea, Bizkaiko landa-ingurunean baserriak berreskuratuz eta lurraldearen ikuspegi erregeneratiboarekin uztartuz.
Proiektuak Uriako baserria berritu du, 1660ko Jauretxe bat (600 m² eta 4 hektarea), eta gaur egun sei bizikidetza-unitate hartzen ditu, modu kolektiboan antolatu eta kudeatuak. Kooperatibak jabetza osoa eta zatiezina mantentzen du, eta kostu prezioan lagatzen die etxebizitza bazkideei, egonkortasuna bermatuz eta espekulazioa saihestuz.
Ametxen bizitzak espazio intimoak eta espazio komun ugari uztartzen ditu: sukalde eta jantoki komunitarioa, garbitegia, erabilera anitzeko aretoak, kanpo guneak eta baratze agroekologikoa. Guztiak batera, elkarren babesa, bizikidetza eta erantzukidetasuna indartzen dituzte.
Ametxe hiru ardatz nagusitan oinarritzen da:
- Ekonomikoa: ekonomia eta etxebizitza pertsonen zerbitzura jartzea.
- Ekosoziala: komunitatea berreskuratzea, zaintza eta harremanen hobekuntza.
- Ekologikoa: ekosistemen zaintza eta lurraldearen birsorkuntza.
Gainera, proiektuak eraginkortasun eta jasangarritasun handiagoa lortzen du, baliabide, azpiegitura eta kontsumoen partekatzean oinarritzen delako. Horrela, aztarna ekologikoa murriztu eta baserriaren energia- eta baliabide-erabilera optimizatzen da.
Ametxek etxebizitza ulertzen du gizartearen zerbitzuko bizitegi-sistema gisa, denboran zehar pertsona desberdinek biziko dutena, eta horiek etxebizitzarako sarbide hobeaz eta bizitza komunitarioaren abantailez gozatu ahal izango dute: elkarren arteko laguntza, bidelaguntza, parte-hartzea eta ongizate kolektiboa sustatzen duten inguruneak.
Ametxe, Gordexolako bizikidetza eredu kolaboratibo eta belaunaldien arteko esperientzia
Argitalpen-data: 2025/11/28
Euskadi Lagunkoia Berriak Ondarea bildumako bideo berria aurkezten du, oraingoan Gordexolan (Bizkaia) kokatutako Ametxe kooperatiba-proiektua ezagutzeko. Ekimen honek elkarbizitza eredu solidarioagoak, malguagoak eta pertsonei errotik lotutakoak sustatzen ditu.
Atal honetan, Imanolek eta Rubenek euren egunerokoa partekatzen dute Ametxen. Bertan azaltzen dute nola laguntzen duten elkarren arteko babesa, belaunaldien arteko harremanak eta bizitzea ulertzeko modu kolaboratiboa. Ametxek komunitate-harremanak indartzea eta eguneroko bizitza parte-hartzetik eta aniztasunaren errespetutik antolatzea du helburu.
Ekimenak erreferente bihurtu da bizikidetza kooperatiboko proiektuen esparruan, eta erakusten du posible dela gizartearen ongizatean eta ingurune atsegin eta kohesionatuagoen eraikuntzan laguntzen duten proposamen berritzaileak garatzea.
Bideo osoa ikusgai dago Euskadi Lagunkoia Berriaren kanal ofizialean:
Ikusi “Ondarea | Ametxe” bideoahttps://www.youtube.com/watch?v=1cr9pPLJ4xU
