2024an El Tingladok egindako “Una vida en común” dokumental bikainak erabilera-lagapeneko etxebizitza kooperatiboko 7 esperientzien lekukotzaren bidez eredua argi eta garbi erakusten du.
“Una vida en común” argitalpena ikertzailea bezain militantea den proiektu orokorragoaren parte da: “Etxebizitza kooperatiboan egoteko moduak”. 2021ean sortu zen, Espainiako Estatuan erabilera-lagapeneko etxebizitza kooperatiboaren eredua ezagutarazteko helburuarekin. Horretarako, dokumental bat filmatu eta liburu-katalogo bat editatu ziren, dagoeneko existitzen diren ekimenak eta bertan bizi diren komunitateen testigantza jasoz.
Proiektuaren bidez, etxebizitza eskuratzeko eredu alternatibo hau sustatu nahi da. Izan ere, etxebizitzarako eskubidea, elkarlaguntza edo amankomuneko bizitza dira bertako biztanleak beren bizikidetza-guneak eraikitzeko orduan bultzatu dituzten balio nagusietako batzuk.
El Tinglado.
Etxea izatea pentsatzen dugunean, bi aukera bururatzen zaizkigu: alokairua edo erosketa.
Binomio horretatik ateratzeak utopia dirudi.
Orain, etxebizitza ulertzeko moduan aldaketa dakarren beste eredu bati ireki zaio atea.
Erabilera-lagapeneko etxebizitza-kooperatibak irabazi-asmorik gabeko proiektu kolektiboak dira, komunitatearen eskutik etxe duina eraikitzen dutenak.
Izaera horizontala, parte-hartzailea eta autogestionarioa proiektu horien guztien ezaugarri komunak dira, eta landa-eremuan zein hirigunean bizitzeko modu berriak, bidezkoagoak eta sostengarriagoak proposatzen dituzte.
Dokumental honek 7 proiekturen bizi-esperientzia kontatzen du.
Utopia eraiki. Etxebizitza kooperatiboari buruzko katalogoa
2024ko apirilaren 30a. Mikel Pau Casado-Buesa eta Antonio Reboredo (El Tinglado Arkitektoen Kolektiboa)
Proiektuari buruzko informazio weba:
